Bıatlonnan álem kýbogy: Jalpy esepte Alekseı Poltoranın 12-shi orynda keledi
ASTANA. QazAqparat - Germanııanyń Oberstdorf qalasynda bıatlonnan álem kýbogynyń tórtinshi kezeńi ótip jatyr, dep habarlaıdy QazAqparat tilshisi.
Jarystyń alǵashqy kúni «Týr de Skı» kezeńinde 15 shaqyrymǵa jalǵasqan erkin stılde mass-start saıysynda Alekseı Poltoranın 26-shy orynnan kórindi. Bul saıysta birinshi jáne ekinshi oryndardy norvegııalyq shańǵyshy Emıl Iversen men Sındre Bornestad Skar jeńip aldy. Al úzdik úshtikti ıtalııalyq Franchesko de Fabıanı qorytyndylady.
Al áıelder arasynda 7,5 shaqyrymǵa jalǵasqan sprınt saıysynda el namysyn qorǵaǵan Alına Raıkova 40-oryn, Darıa Klımına 44-oryn, Olga Poltoranına 49-oryn, Galına Vıshnevskaıa 70-orynnan kórindi. Bul saıysta slovakııalyq bıatlonshy Anastasııa Kýzmına jeńimpaz atandy. Ekinshi oryndy fınlıandııalyq Kaısa Mıakıarıaınen ıelense, úzdik úshtikti chehııalyq Veronıka Vıktova túıindedi.
Osylaısha bıatlonnan ótken Álem kýbogynyń jalpy esebinde qazaqstandyq shańǵyshy Alekseı Poltoranın 12-shi orynda keledi. Ázirge, Álem kýbogynda Poltoranınniń enshisinde 284 upaı bar.
Jalpy esepte norvegııalyq Iohannes Klebo (752 upaı) kósh bastaýda. Ekinshi orynda - reseılik Aleksandr Bolshýnov (513 upaı). Taǵy bir reseılik Sergeı Ýstıýgov (507 upaı) úzdik úshtikti túıindeýde.
