Bıatlonnan álem kýbogynyń kezeńi: qazaqstandyqtar sprıntte qandaı nátıje kórsetti

ASTANA. KAZINFORM — Antholts-Anterselvada (Italııa) bıatlonnan álem kýbogynyń kezeńi bastaldy. Alǵashqy medaldar áıelder arasyndaǵy sprıntte sarapqa salyndy. Bul týraly Ulttyq olımpıadalyq komıtettiń baspasóz qyzmeti habarlady. 

Qatysýshylarǵa eki atý mejesimen 7,5 shaqyrymdyq qashyqtyqty eńserý kerek boldy.

Bul tapsyrmany úzdik oryndaǵan - frantsııalyq Lý Janmonno. Ekinshi oryndy Germanııa sportshysy Selına Grotıan ıelendi. Úzdik úshtikti taǵy bir germanııalyq Frantsıska Proıs qorytyndylady.

Qazaqstandyqtar kelesi nátıjelerdi kórsetti:

- Olga Poltoranına 78-orynmen márege jetti;

- Polına Egorova 89-oryndy ıelendi;

- Elızaveta Beletskaıa 93-orynmen aıaqtady.

24 qańtarda erler arasyndaǵy sprınt ótedi. Astana ýaqyty boıynsha bastalýy – 18:30.