Bıatlonnan álem kýbogynyń kezeńi: Qazaqstan quramasy qandaı nátıje kórsetti

ASTANA. KAZINFORM - Poklıýkada (Slovenııa) bıatlonnan álem kýbogynyń kezeńi aıaqtaldy. Bul týraly Ulttyq olımpıadalyq komıtet málimdedi.

Jarys baǵdarlamasyndaǵy sońǵy saıys aralas estafeta boldy. Qazaqstan quramasynyń namysyn Arına Krıýkova, Aısha Raqysheva, Vladıslav Kıreev jáne Kırıll Baýer qorǵady.

Bizdiń bıatlonshylar jarysty 22-orynmen aıaqtady. Altyn medaldi Shvetsııa quramasy jeńip aldy. Ekinshi oryndy Frantsııa ıelense, úshinshi bolyp Norvegııa quramasy máre syzyǵyn kesti.

Erbol Hamıtov para bıatlonnan álem kýbogy kezeńinde jeńimpaz atanǵanyn jazǵan bolatynbyz.