Bıatlonnan álem kýbogi reıtıngisinde Qazaqstan komandasy eki saty joǵarylady
NUR-SULTAN. QazAqparat - Bıatlonnan Germanııanyń Oberhoff qalasynda ótip jatqan álem kýboginiń tórtinshi kezeńinde Qazaqstan erler komandasy estafetadan 17-shi oryn ıelendi, dep habarlaıdy Olympic.kz.
Estafetaǵa jalpy esebi 26 komanda qatysty. Qazaqstan atynan Anton Pantov, Roman Eremın, Vladıslav Vıtenko jáne Tımýr Kýts jarys jolyna shyqqan bolatyn.
Tartysty básekede qazaqstandyqtar 17-shi oryn ıelendi. Sondaı-aq, álem kýbogi reıtınginde Qazaqstan komandasy eki orynǵa joǵarylap, 21-shi satyǵa turaqtady.
Erler arasyndaǵy estafetada Norvegııa top jarsa, Frantsııa kúmis, Germanııa qola júldeger atandy.
Al áıelder komandasy arasyndaǵy estafetada Qazaqstan komandasy 19-shy orynnan kórindi.
