Bıatlonnan álem kýbogy: Qazaqstan quramasy erler estafetasynda baq synaıdy

ASTANA. KAZINFORM – Rýpoldıngte (Germanııa) bıatlonnan álem kýbogynyń kezeńi jalǵasyp jatyr.

Ulttyq olımpıada komıtetiniń málimetinshe, 15 qańtarda týrnır aıasynda erler arasynda 4x7,5 shaqyrymdyq estafeta jarysy ótedi. 

Qazaqstan quramasy sapynda Vladıslav Kıreev, Kırıll Baýer, Vadım Kýrales jáne Aleksandr Mýhın synǵa túsedi. 

Jarys Astana ýaqytymen 18:30-da bastalady. 

Aıta keteıik, buǵan deıin ótken áıelder estafetasynda Qazaqstan quramasy 18-orynǵa turaqtady.

Budan buryn 14 qańtarda Germanııanyń Rýpoldıng qalasynda bıatlonnan álem kýbogynyń kezeńi bastalatynyn habarlaǵan edik.