Bıatlonnan álem kýbogy: áıelder sprıntinde Qazaqstan atynan kimder óner kórsetedi

ASTANA. KAZINFORM – Búgin, 19 naýryzda Oslo qalasynda (Norvegııa) bıatlonnan álem kýbogynyń qorytyndy kezeńi bastalady. 

Halyqaralyq týrnır aıasynda ótetin alǵashqy jarys áıelder arasyndaǵy 7,5 shaqyrymdyq sprınt bolmaq. 

Qazaqstan atynan jarys jolyna 3 sportshy shyǵady. Bul saıysta el namysyn Laýra Kınybaeva, Mılana Geneva jáne Aısha Rakısheva qorǵaıdy.

Ulttyq olımpıadalyq komıtettiń málimetinshe, bıatlonnan álem kýbogy Astana ýaqytymen 20:15-te bastalady.

Eske salsaq, buǵan deıin qazaqstandyq 6 bıatlonshy álem kýbogynyń sońǵy kezeńine qatysatynyn habarlaǵan edik.