Bıatlonnan álem kýbogy: áıelder arasyndaǵy estafetada kimder baq synaıdy

ASTANA. KAZINFORM – 14 qańtarda Germanııanyń Rýpoldıng qalasynda bıatlonnan álem kýbogynyń kezeńi bastalady. 

Ulttyq olımpıadalyq komıtettiń málimetinshe, birinshi jarys kúninde áıelder arasynda 4x6 shaqyrymdyq estafetalyq jarys uıymdastyrylady. 

Atalǵan dodada Qazaqstan quramasynyń sapynda Mılana Geneva, Polına Egorova, Darıa Klımına jáne Alına Skrıpkına baq synaıdy.  

Bastalýy Astana ýaqytymen saǵat 18:30-da belgilengen jarysqa 19 komanda qatysady.

Aıta keteıik, bul kezeń bıatlon sportyndaǵy maýsymdyq jarystardyń mańyzdy kezeńderiniń biri sanalady.

Eske salsaq, osyǵan deıin Asylhan Asan frıstaıl-akrobatıkadan álem kýbogy kezeńinde úzdik ondyqqa engenin jazdyq.