Bıatlonnan álem chempıonatynda Vıshnevskaıa - kúmis júldeger
ASTANA. QazAqparat - Qazaqstandyq bıatlonshy Galına Vıshnevskaıa AQSh elinde ótip jatqan jasóspirimder arasyndaǵy álem chempıonatynda kúmiske ıe boldy, dep habarlaıdy alaman.kz.
7,5 shaqyrymdyq sprınttik jarysta altyndy reseılik Evgenııa Pavlova ıelendi - 21:08.5 . Ol eki atý sátinde birde bir ret múlt ketken joq. Al Galına Vıshnevskaıa atý kezinde bir ret qatelik jiberip, nátıjesinde reseılikten úsh sekýndqa keshigip qaldy. Qola júlde germanııalyq Anıka Knolǵa buıyrdy. Taǵy bir qazaqstandyq Anastasııa Kondrateva on toǵyzynshy oryn aldy. Galına Vıshnevskaıa byltyrǵy álem chempıonatynda da kúmis júlde alǵan. Jasóspirimder arasyndaǵy qysqy olımpıadanyń da kúmis júldegeri.
