Bıatlonnan ÁCh: Galına Vıshnevskaıa úzdik ondyqqa kirdi
NUR-SULTAN. QazAqparat - Qazaqstandyq Galına Vıshnevskaıa Italııanyń Antholts qalasynda bıatlonnan 15 km jeke qashyqtyqta toǵyzynshy orynǵa ıe boldy, dep habarlaıdy QazAqparat tilshisi.
Qazaqstandyq sportshy tórt márte nysana kózdeýde birde-bir oǵyn múlt jibergen joq.
Tek jyldamdyǵy jaǵynan ese jibergen Galına qorytyndyda úzdik ondyqtyń qataryna kirdi.
Jarys barysynda eki ret oǵyn nysanaǵa tıgize almaǵanymen, qarqyny myqty ıtalııalyq Doroteıa Vırer máre syzyǵyn birinshi bolyp qıdy. Bul - onyń osy birinshiliktegi ekinshi altyn medali.
D.Vırerden sál-pál qalyp qoıǵan germanııalyq Vanessa Hınts ekinshi, norvegııalyq Marte Reıseland úshinshi orynǵa kóterildi.
