Bıatlon: ıA.Savıtskıı álem chempıonatynda 11-inshi oryndy ıelendi
ASTANA. QazAqparat - Norvegııanyń Holmenkollen qalasynda bıatlonnan ótip jatqan álem chempıonatynda qazaqstandyq ıAn Savıtskıı 20 km qashyqtyqtaǵy jekeleı synda 11-inshi oryndy ıelendi.
Championat.com saıtynyń habalaýynsha, ıA.Savıtskıı nysana kózdeýden bir ǵana ret múlt ketip, jeńimpazdan 2 mınýt 32 sekýnd qalyp qoıdy. Jalpy, bul - qazaqstandyq bıatlonshylar arasyndaǵy ozyq kórsetkish.
Atalmysh jarysta frantsııalyq Marten Fýrkad taǵy da eshkimge des bermeı, chempıon atansa, avstrııalyqtar Domınık Landertınger men Sımon Eder ekinshi, úshinshi oryndy ıelendi. Osy chempıonatta tamasha óner kórsetip jatqan M.Fýrkad osymen tórtinshi altyn medaline qol jetkizdi. Medaldar sany jóninen Frantsııa quramasy 5 altyn, 2 kúmis, 1 qola júldemen jeke-dara kósh bastap keledi.
