Bıatlon: Vıshnevskaıa sprıntten 13-orynǵa ilikti
ASTANA. QazAqparat - Shvetsııanyń Estersýnd qalasynda áıelder arasyndaǵy álem kýbogy kezeńinde bıatlonnan 7,5 shaqyrymdyq sprınt jarysy márege jetti, dep habarlaıdy «QazAqparat» tilshisi.
«Eýrosport» telearnasynan tikeleı efırde kórsetkenindeı, bul qashyqtyqta nysana kózdeýden bir-aq ret múlt ketkenimen, keremet ushqyrlyq tanytqan nemis qyzy Denıze Herrman kútpegen jerden chempıon atandy. Nysana kózdeýde birde-bir oǵyn dalaǵa jibermegen frantsııalyq Jıýstın Breza men ýkraınalyq ıÝlııa Djıma ekinshi-úshinshi oryndy bólisti. Bul - maýsymdy tamasha bastaǵan ıÝ.Djımanyń ekinshi medali. Osydan buryn 20 km qashyqtyqta ol qola medalǵa ıe bolǵan edi.
Qazaqstandyqtardan Galına Vıshnevskaıa nysanadan múlt ketpeı, 13-inshi orynǵa ilikti. Ol jeńimpazdan 47,3 sekýndqa qalyp qoıdy. Osynyń aldyndaǵy 20 km qashyqtyqta jıyrmasynshy orynǵa ıe bolǵan G.Vıshnevskaıa álem kýbogynyń jekeleı esebinde 12-inshi orynda keledi. Endi ol 3 jeltoqsan kúni 10 km qashyqtyqta izge túsip jarysýda osy qarqynynan taımasa, jaqsy nátıje kórsetip, upaı qoryn toltyra bereri anyq.
Eske sala keteıik, G.Vıshnevskaıa Maksım Braýnmen birge bıylǵy betashar synda aralas estafetadan aıdy aspanǵa shyǵaryp, Qazaqstan bıatlony tarıhynda tuńǵysh ret álem kýbogy kezeńinde qola júldege qol jetkizgen bolatyn.
