Bıatlon: Qazaqstandyq D.Ýsanova álem kýbogynyń birinshi kezeńinde 15-inshi orynǵa ilikti
ASTANA. QazAqparat - Shvetsııanyń Estersýnd qalasynda bıatlonnan áıelder arasynda 15 shaqyrym qashyqtyqta álem kýbogynyń alǵashqy kezeńi márege jetti.
Eýrosport telearnasynan tikeleı efırde kórsetkenindeı, nysana kózdeýden birde-bir ret múlt ketpegen ıtalıandyq jas bıatlonshy Doroteıa Vırerdiń baǵy janyp, jeńimpaz atandy. Jarys barysynda eki márte nysanany dál kózdeı almaǵanmen, basqalardan áldeqaıda joǵary jyldamdyq kórsetken frantsııalyq Marı Doren Aber ekinshi orynǵa kóterildi. Al D.Vırer sııaqty mergendik tanytqanymen, ushqyrlyǵy jetispegen ýkraınalyq Elena Pıdgrýshnaıa úzdik úshtikti túıindedi. ıAǵnı bıatlonda shapshańdyq ta, mergendik te qajet-aq.
Qazaqstandyqtar arasynan ozyq nátıje kórsetken Darıa Ýsanova nysana kózdeýden eki ret múlt jiberip, 15-inshi orynǵa ilikti. Bul - qazaqstandyq bıatlonshylar úshin jaqsy kórsetkish.
Álem kýbogy kezeńderi odan ári jalǵasýda.
Aıta keteıik, qazaqstandyq Elena Hrýstaleva 2010 jylǵy Vankýver olımpıadasynda dál osy qashyqtyqta kúmis júldeger atanǵan edi. Sodan beri qazaqstandyqtar dúnıejúzilik dodalarda júlde túgili, alǵashqy ondyqqa jaqyndaı almaı keledi.
