Bıatlon: Qazaqstan quramasy áıelder estafetasynda segizinshi orynǵa ilikti
ASTANA. QazAqparat - Italııanyń Antholts-Anterselvesinde bıatlonnan jalǵasyp jatqan álem kýbogy kezeńinde Qazaqstan quramasy áıelder estafetasynan segizinshi orynǵa qol jetkizdi.
Estfetaǵa ár quramadan tórt sportshydan qatysyp, árqaısysy 6 shaqyrymǵa júgirýmen birge nysana kózdeýde de barynsha múlt ketpeýi tıis. Bul jarysta Frantsııa quramasy jeńimpaz atansa, chehııalyqtar ekinshi, reseılik qyzdar úshinshi orynǵa kóterildi. Quramynda Alına Raıkova, Galına Vıshnevskaıa, Darıa Ýsanova, Anna Kıstanova bar qazaqstandyqtar márege segizinshi bolyp keldi. Osyǵan deıin úzdik ondyqtyń qatarynan kórine almaı júrgen qazaqstandyq bıatlonshylar úshin bul jaqsy nátıje deýge bolady.
Búgin erler arasynda da estafetadan jarys ótedi.
Eske sala keteıik, osyǵan deıin 14 qańtarda Qazaqstannyń jas bıatlonshysy Galına Vıshnevskaıa Germanııanyń Rýpoldıng qalasynda ótken álem kýbogy kezeńinde 15 km qashyqtyqta 15-inshi oryndy ıelenip, bir qýantqan bolatyn. Jalpy, erlerge qaraǵanda, qazaqstandyq qyzdar osylaısha kózge túsip úlgerýde.
