Bıatlon: Galına Vıshnevskaıa álem kýbogy kezeńinde tórtinshi oryndy ıelendi
ASTANA. QazAqparat - Germanııanyń Oberhof qalasynda búgin márege jetken bıatlonnan álem kýbogynyń tórtinshi kezeńinde qazaqstandyq sportshy Galına Vıshnevskaıa úzdikter qatarynan kórindi, dep habarlaıdy «QazAqparat» HAA tilshisi.
Eýrosport telearnasynan tikeleı efırde kórsetkenindeı, tańdaýly otyz bıatlonshy jarys jolyna shyqqan mass-startta G.Vıshnevskaıa kóshti bastaýshylar qatarynda boldy. Tek sońǵy nysana kózdeýde ǵana bir ret múlt ketken Galına aldyńǵy úshtikti qýyp jete almasa da, jarys máresinde ýkraınalyq ıÝlııa Djıma men germanııalyq Frantsıska Hıldebrandty basyp ozyp, tórtinshi oryndy ıelendi. Bul onyń mergendik kórsetýmen birge shańǵymen jarysýda ushqyrlyǵynyń arta túskendigin bildiredi. Sóıtip G.Vıshnevskaıa álem kýbogy kezeńinde qazaqstandyq bıatlonshylar arasynda úzdik nátıjege qol jetkizip otyr.
Atalmysh básekede álem kýbogynyń kóshbasshysy, chehııalyq Gabrıela Koýkalova kezekti jeńisine qol jetkizse, germanııalyq Laýra Dalmaıer ekinshi, taǵy bir chehııalyq Eva Pýskarchıkova úshinshi orynǵa kóterildi.
Aıta keteıik, osynyń aldynda izge túsip jarysýda G.Vıshnevskaıa onynshy orynǵa taban tiregen bolatyn.
Foto: Sports.kz
