BIATLON: Álem kýbogy kezeńinde Qazaqstannyń erler quramasy 13-oryndy ıelendi
ASTANA. QazAqparat - Búgin Avstrııanyń Hohfıltsen qalasynda álem kýbogy kezeńinde estafetalyq jarys ótti.
Aldymen jarys alańyna áıelder quramalary shyǵyp, qazaqstandyqtar qosymsha segiz oqty paıdalanyp, on jeti komandanyń ishinen 14-inshi oryndy ıelendi. Al erler arasyndaǵy Qazaqstan quramasy birshama sátti óner kórsetip, 13-inshi orynǵa kóterildi. Qazaqstandyq bıatlonshylar tórt qosymsha oqty paıdalandy. Bul jaman nátıje emes.
Álem kýbogy saıystary odan ári jalǵasady.
