«BI Juldyzaı» festıvali: horeografııa múmkindigi shekteýli balalarǵa oń áser etedi

Erekshe balalar men Qazaqstan estrada juldyzdarynyń gala-kontserti 15 myń adam sııatyn aýqymdy «Barys arenada» qala turǵyndaryna tegin kórsetildi.
«2005 jyldan bastap, elimizde múmkindigi shekteýli balalar men jasóspirimderdi qoldaý maqsatynda respýblıkalyq «Juldyzaı» shyǵarmashylyq festıvali uıymdastyrylyp keledi.
Sáýir aıynyń basynda respýblıkanyń barlyq oblys ortalyqtarynda festıvaldiń irikteý kezeńi ótti. Respýblıka boıynsha 9 myńǵa jýyq bala vokal, aspapta oryndaý, ym-ısharatpen oryndaý, horeografııa, beıneleý óneri, kórkem-qoldanbaly óner janrlary boıynsha óz ónerlerin kórsetti. Búgingi kontsertte Qazaqstannyń túpkir túpkirinen iriktelgen 300-den astam bala óner kórsetti», - dedi joba jetekshisi, «BI Juldyzaı» qaıyrymdylyq qory dırektorynyń orynbasary Almagúl Sálimbaeva.
Onyń aıtýynsha, «BI Juldyzaı» festıvali 13 jyldyq tarıhynda talaı balaǵa jol ashty, ómirdegi óz jolyn tabýǵa kómektesti. Sondaı tabysty laýreattar bıylǵy baıqaýda qazylar alqasynyń quramyna engen.
«Qazaqstannyń belgili sýretshisi, 100 jańa esim jeńimpazy Anar Ábjanova 2006 jyly «BI Juldyzaı» festıvalinde gran-prı jeńip alǵan edi. Onyń estý qabileti nashar boldy, biraq onyń qylqalamynan shyqqan týyndylar teńdessiz edi. Dál osy festıvaldan keıin Anar «Ózge deni saý balalarmen teń dáreje baq synaı alatymdy, jeńiske jete alatynymdy túsindim, jigerlendim» dep aǵynan jarylǵan bolatyn. Qazir ol T. Júrgenov atyndaǵy óner ýnıversıtetinde sabaq beredi, bıylǵy baıqaýda Anardy qazylar alqasyna shaqyrdyq», - dedi joba jetekshisi.
Joba jetekshisiniń aıtýynsha, balalarǵa horeografııa, án salý nemese jáı ǵana ózi quralyptas balalarmen qarym-qatynasy oń yqpal etedi.
«Horeografııa balalardyń damýyna, ásirese tirek-qımyl júıesine óte paıdaly. Festıvalda júre almaıtyn balalardyń alǵashqy qadam basqanyna kýá boldyq. Aýtızmi bar sóılemeıtin bala óz qatarlastarymen etene aralasyp, sóıleýge talpyndy. ıAǵnı, bizdegi daıyndyq, jattyǵýlar, mamandardyń erekshe kútimi balalar boıyndaǵy jasyryn qabiletterdi ashty», - dep óz sózin tolyqtyrdy A. Sálimbaeva.
Sondaı-aq, joba jetekshisi elordaǵa kelgen balalarǵa barlyq jaǵdaı jasalǵanyn atap ótti.
«25 mamyr kúni respýblıka óńirlerinen 300-ge jýyq bala keldi. Olardyń barlyq shyǵynyn demeýshiler qarjylandyryp otyr. Balalar Dýman, EKSPO, Ulttyq mýzeıdi aralady, keshki Astanada serýendedi. Balalardyń bárine alǵys hattar men syılyqtar berildi. Syı retinde noýtbýk, smartfon syndy ózderine qajetti dúnıelerdi berýge tyrystyq. Balalarǵa este qalarlyqtaı demalys uıymdastyrdyq dep úmittenemiz», - dep óz sózin túıindedi A. Sálimbaeva.
Aıta keteıik, 13 jyl qatarynan uıymdastyrylǵan «Juldyzaı» respýblıkalyq balalar shyǵarmashylyǵy festıvaline BI-Group kompanııasy demeýshilik etedi. Sondaı-aq, festvıaldiń ósýine Bilim jáne ǵylym mınıstrligi, Mádenıet jáne sport mınıstrligimen qatar oblys, qala ákimdikteri de atsalysady.