«BI Juldyzaı» festıvali 10 jyl ishinde 36 myńnan astam balany sahna tórine shyǵardy
ASTANA. QazAqparat - 2005 jyly bastalǵan «BI Juldyzaı» festıvali 36 myńnan asa balanyń talantyn shyńdap, óner jolyna túsýine dámeý boldy. Aıta keterligi, bul festıval ədettegi óner jarystarynan erekshe, sebebi, baıqaý múmkindigi shekteýli balalarǵa arnalǵan. Bul týraly búgin «BI Juldyzaı» qorynyń on jyldyǵyna oraı túsirilgen fılmniń prezentatsııasynda qor dırektory Gúlhan Isabaeva aıtyp berdi.
«Festıval múmkindigi shekteýli, úıde otyryp bilim alatyn, bolmasa, densaýlyǵyn túzetý oryndaryndaǵy balalarǵa arnalǵan. Kózi kórmese de, kóńili əndi súıetin, qulaǵy esitemese de, sýret salýǵa sheber balalar kóp. Bizdiń maqsatymyz da sol - osyndaı balalardyń talantyn ashyp, olar da qoǵamnyń bir múshesi ekenin sezindirý. Mysaly, qazaqstandyqtar jaqsy kóretin «Sət» trıosy da bizdiń festıvalden qanat qaqqan. Qazir olar óz ornyn tapty. Biz sondaı-aq festıvalimizge qatysqan balalardy halyqaralyq baıqaýlarǵa da jiberemiz»,-deıdi G.Isabaeva. Al, qor dırektorynyń orynbasary Altynaı Təńirbergen «talanatty balalardy bóle-jara qaramaımyz, tipti, keıde osyndaı erekshe balalar arasyndaǵy emes, kədimgi konkýrstarǵa qatystyramyz»,-deıdi. «Mynandaı bir qyzyq oqıǵa bolǵan. 2013 jyly bizdiń festıvaldiń «bı» nomınatsııasy boıynsha Petropavl qalasynan kelgen qulaǵy nashar estıtin, mylqaý balalar birinshi oryn ıelendi. Kóp uzamaı, olar Reseıde ótken bir jarysqa ótinish bergen, biraq, erekshe balalar ekenin aıtpaǵan. Keıin oıdaǵydaı óner kórsetip, tipti, júldeli oryn ıelengen. Jeńimpazdardy jarııalaǵanda pedagogtary syrtta júrse kerek, olar ózderin shaqyrǵanyn estimeı turǵan. Sol kezde qazylar alqasy balalardyń sańyraý ekenin biraq-aq bilgen»,-deıdi ol balalar densaýlyq jaǵdaıyna qaramastan ómirge qushtar ekenin aıta kele. Jalpy, uıymdastyrýshylardyń aıtýynsha, festıval endi naýryz-səýir aılarynda búkil Qazaqstan aýmaǵyn qamtı ótedi.
