«BI Group» kimmen sottasqaly otyr – kompanııa resmı aqparat berdi
NUR-SULTAN. QazAqparat – «BI Group» kompanııasynyń baspasóz qyzmeti kompanııa basshysy Aıdyn Rahymbaevtyń koronavırýs juqtyrǵandarǵa arnalǵan emhana qurylysy týraly jaǵymsyz aqparat taratqandardyń ústinen aryzdanatyny týraly málimdemesin túsindirdi, dep habarlaıdy QazAqparat tilshisi.
«BI Group kompanııasyna qatysty áleýmettik jelilerde shyndyqqa sáıkes kelmeıtin ári kompanııanyń iskerlik abyroıyna nuqsan keltiretin aqparat ádeıi taratyldy. Sol sebepti holdıngtiń atyna kir keltiretin jala sıpatyndaǵy málimetterdiń bastamashysyn tabýdy jón dep sheshtik. Ol adamdardy tapqannan keıin bizdiń zańgerler sot protsesine daıyndyqty bastaıdy», - dep habarlady BI Group holdınginiń PR-dırektory ıÝrıı Dorohov redaktsııanyń resmı saýalyna bergen jaýabynda.
Kompanııa jalǵan aqparat taratqan adamdardy zańǵa sáıkes jazalaýǵa bekinip otyr.
«Qylmystyq kodekske sáıkes jaýapkershiliktiń qandaı bolatynyn sot sheshedi. Bul jerde áńgime anonımdi telegram-kanal arqyly Qazaqstannyń úsh qalasynda emhana salýǵa qatysty jalǵan aqparat taratý týraly sóz bolyp otyr», - dep qosty ol.
Aıta ketsek, buǵan deıin «BI Group» kompanııasynyń basshysy Aıdyn Rahymbaev Facebook-paraqshasynda jazba jarııalap, jala jabýshy adamdardy sotqa beretinin málim etken edi.
«BI Group kompanııasy osyndaı qysyltaıań kezeńde protsedýralardy paıdalanyp, aqsha tapqysy keledi degen syńaıda aqparat tarala bastady. Kelisimge qol qoımaı jatyp, jumystyń bastalyp ketkeni týraly shynaıy jáne feık-akkaýntardan jazyldy. Belgisiz bireý taratqan bul aqparat qalaıda keń aýqym alyp barady», - dep jazdy Aıdyn Rahymbaev Facebook-te.
Onyń aıtýynsha, bir apta buryn koronavırýs boıynsha respýblıkalyq shtab tez turǵyzylatyn emhanany salý qajettigi týyndaýy múmkindigin habarlaǵan. Jáne ol úsh aptada salynyp bitýi tıis. Osylaısha, «BI Group» kompanııasy ınjenerlik, tehnıkalyq, logıstıkalyq jáne adamdardyń resýrstaryna ıe Qazaqstandaǵy iri kompanııa retinde jumys tobyna engizilgen.
«Bul halyqaralyq tájirıbe. Eki táýliktiń ishinde jabylǵan qalalar men shekaralardan qurylys materıaldaryn jetkizý boıynsha qanshama nusqany qarap, aqyry eldegi bar materıalmen emhanany salýdy jón dep sheshtik», - deıdi Aıdyn Rahymbaev.
