Bı festıvalinde 77 adam ýlanyp qaldy
ASTANA. QazAqparat - Baikal Dance Camp bı festıvali ótip jatqan Býrıatııadaǵy Kaban aýdany aýmaǵyndaǵy týrıstik bazada 66 bala jáne 11 eresek adam ýlanyp qaldy.
Bul jaıly 3 tamyz, beısenbi kúni Respýblıkanyń densaýlyq saqtaý mınıstrliginiń saıtynda jarııalandy.
«2017 jyldyń 3 tamyzy kúngi saǵat 8.00-degi (jergilikti ýaqytpen 3.00) jaǵdaı boıynsha ýlaný belgileri bar 77 adam aýrýhanalarǵa jetkizildi. Olardyń 66-sy balalar, 11-i eresekter. Emdelýshilerdiń qazirgi jaǵdaıy bir qalypty, ómirlerine tóngen qaýip joq», - delingen habarlamada.
Aýrýdyń shyǵý sebebin anyqtaý maqsatynda azyq-túlik, sý jáne qorshaǵan orta nysandarynan synamalar alynyp, as ázirleý bólimindegi qyzmetkerler tekserýden ótti. Týrıstik nysan qyzmeti ýaqytsha toqtatyldy, al materıaldar sotqa jiberildi.
