Bı-Bı-Sı-diń orys qyzmeti tolyqtaı Internetke ketti
ASTANA. 27 qańtar. QazAqparat - Bı-Bı-Sı-diń orys qyzmeti tolyqtaı Internette habar taratýǵa kóshti jáne radıohabarlarynyń sanyn aıtarlyqtaı kemitýde.
Sondaı- aq Bı-Bı-Sıdiń álemdik qyzmetiniń basshylyǵy 650 qyzmetkerdiń jumystan shyǵyp ketkenin málimdep otyr. "Bul onyń qazirgi shtatyndaǵy 2400 adamnyń tórtten birin quraıdy", - dep jazady "Interfaks".
Orys tilinde dástúrli habar taratý joǵaryda aıtylǵan máselelerge baılanysty toqtatylatyn bolady. Sonymen qatar radıobaǵdarlamalardyń bir bóligi bbcrussian.com. saıtynda onlaın arqyly taratylatyn bolady.
Brıtandyq habar taratý korporatsııasy jumystan bosatýlardyń sheteldik habar taratý kompanııalaryna bólinetin úkimettik granttardyń qysqartylýyna baılanysty ekenin aıtyp túsindirýde.
