Bı-Bı-Sı bes til qyzmetin japqaly otyr
ASTANA. 26 qańtar. QazAqparat - Bı-Bı-Sı telekompanııasy, korporatsııa bıýdjetiniń qysqarýyna baılanysty bes til qyzmeti, atap aıtqanda, alban,
makedon jáne serb qyzmetteri men Karıb aımaǵyna aǵylshyn tilinde, Afrıka elderine - portýgal tilinde baǵdarlamalar shyǵaratyn redaktsııalardyń jabylatynyn málim etti.
Bı-bı-Sı dúnıejúzilik qyzmetiniń basshylyǵy búgin, sársenbi kúni 650-deı qyzmetkerdiń qysqartylatyny týraly málimdeme jasaıdy dep kútilýde. Bul korporatsııanyń 2 400 adamnan turatyn qazirgi shtatynyń 25 paıyzǵa jýyǵy.
ıAǵnı, bes til qyzmetiniń jabylýymen qatar, basqa da bólimniń qyzmetkerleri qysqartylmaq. Degenmen, kompanııa basshylyǵy qaı qyzmetterde qysqartý júretinin ázirge naqtylaǵan joq.
Brıtandyq korporatsııanyń málimdeýinshe, shetelderge habar taratý úshin úkimet bóletin granttyń qysqarýy osyndaı saldarǵa ákelip otyr.
