BǴM joǵary oqý oryndarynyń akademııalyq derbestigin odan ári keńeıtedi
NUR-SULTAN. QazAqparat – Bilim jáne ǵylym vıtse-mınıstri Mıras Dáýlenov joǵary oqý oryndarynyń akademııalyq-basqarýshylyq derbestigin kúsheıtýge baǵyttalǵan sharalardy atady, dep habarlaıdy QazAqparat tilshisi.
«Búgingi tańda negizinen tórt sýbekt joǵary oqý oryndarynan aqparatty suraı alady. Olar - joǵary jáne JOO-dan keıingi bilim departamenti, Bolon protsesiniń ortalyǵy, aqparat-analıtıka ortalyǵy jáne halyqaralyq baǵdarlamalar ortalyǵy. Osyǵan baılanysty Ulttyq bilim berý týraly málimetter bazasynan avtomatty túrde alýǵa bolatyn aqparattardy JOO-lardan suratýǵa tyıym salýdy usynamyz. ıAǵnı vedomstvoishilik uıymdarymyz ashyq aqparat kózinde bar málimetti suratpaýy tıis», - dedi Mıras Dáýlenov Bilim jáne ǵylym mınıstrliginiń apparat jıynynda.
Vıtse-mınıstrdiń aıtýynsha, ekinshiden Bolon protsesiniń ortalyǵy, aqparat-analıtıka ortalyǵy jáne halyqaralyq baǵdarlamalar ortalyǵy JOO jumysyna qatysty aqparattardy joǵary jáne JOO-dan keıingi bilim departamenti arqyly ǵana ala alatyndaı júıe ornatylýy tıis.
«Sondaı-aq jeke bastama boıynsha suraýhat joldaýǵa tyıym salý kerek. ıAǵnı departament suratqan árbir suranystyń negizi bolǵany durys. Máselen suranyspen birge mınıstrdiń nemese vıtse-mınıstrdiń buıryǵyna siltememen ǵana suranysty jiberýge bolatyndaı etý kerek. Osynyń bári de joǵary oqý oryndarynyń akademııalyq-basqarýshylyq derbestigin kúsheıtýge baǵyttalǵan», - dedi ol.
