BǴM joǵary oqý oryndarynda pedagogıkalyq mamandyqtar boıynsha oqytýdyń tujyrymdamasy men standarttaryn qaıta qaramaq
TANA. 6 qyrkúıek. QazAqparat /Aıdar Ospanalıev/ - Bilim jáne ǵylym mınıstrligi joǵary oqý oryndarynda pedagogıkalyq mamandyqtar boıynsha oqytýdyń tujyrymdamasy men standarttaryn qaıta qaramaq. «Bul oraıda basty mindet - bitirýshilerdiń biliktilikterin eýropalyq deńgeıge sáıkestendirý»,-dedi búgin Bilim jáne ǵylym mınıstri Baqytjan Jumaǵulov Astanada ótip jatqan «Táýelsizdikke 20 jyl: Qazaqstan Respýblıkasyndaǵy adam kapıtalyn damytýdyń sapasy men bolashaǵy» atty halyqaralyq konferentsııa barysynda.
Onyń sózine qaraǵanda, pedagog kadrlardyń biliktiligin arttyrý úshin elde jańa ınstıtýtsıonaldy tetik qurylady. «Osyǵan oraı, «Nazarbaev Zııatkerlik mektepteri» janynan Pedagogıkalyq sheberlik ortalyǵy jáne Pedagogterdiń biliktiligin arttyrýdyń ulttyq ortalyǵy qurylýda. Bul júıe jańa erejeler boıynsha jumys isteıdi. Osyǵan qaraı qazir elge jańa sheteldik tájirıbeler men ádister tartylýda.
Sondaı-aq muǵalimder jalaqysy jyldan-jylǵa arta bermek. Pedagogterdiń mártebesin kóterýge de zor kóńil bólinýde»,-dedi mınıstr.
