BǴM jemqorlyqpen kúresti JOO-larda qalaı kúsheıtkeli otyr

NUR-SULTAN. QazAqparat - Bilim jáne ǵylym mınıstri Kúlásh Shámshıdınova qazaqstandyq joǵary oqý oryndarynda sybaılas jemqorlyqqa qarsy kúres qalaı júrgizilgeli otyrǵanyn aıtyp berdi, dep habarlaıdy QazAqparat tilshisi.

«Ózderińiz biletindeı, akademııalyq adaldyq lıgasy jumys isteıdi. Eldegi 12 JOO akademııalyq adaldyq lıgasyna kirip tursa, taǵy ony úmitker retinde tirkelgen. Ol lıgaǵa kirý úshin - eń birinshi kezekte, álbette, emtıhandardy kimniń tapsyrǵanyn bilmeıtin tekserý júıesin engizý qajet. Testtik sıpattaǵy emtıhandardan ketý kerek», - dedi Kúlásh Shámshıdınova Úkimet otyrysynan keıin tilshilerdiń suraǵyna jaýap bere otyryp.

Sonymen qatar, mınıstr qazaqstandyq JOO-lardyń dıplomdy elektrondy formatta tabystaý yqtımaldylyǵyna qatysty suraqqa jaýap berdi.

«Biz barlyq júıeni tolyǵymen elektrondy formatqa kóshirýdi kózdep otyrmyz. Dıplom tabystaýdy da elektrondy formatqa kóshire bilsek, baqylaý qataıar edi. Joǵary oqý oryndarynda qazirgi ýaqytta jemqorlyqqa qarsy jańa baǵdar engizilýde. Bıyl JOO-larda saýalnama júrgizip kórgen bolatynbyz. Oqyp júrgen balalardyń 70 paıyzy jemqorlyqpen kezdespeıtinin aıtty. Biraq, qalǵan paıyz bizdi úreılendirýi kerek. Sondyqtan, jemqorlyqpen kúres jumysyn kúsheıte berý kerek», - deıdi mınıstr.