BǴM Jambylda evakýatsııalanǵan balalardy oqý-saýyqtyrý ortalyǵyna jiberýdi usyndy

NUR-SULTAN. QazAqparat – Jambyl oblysyndaǵy áskerı bólimsheniń qoımalaryndaǵy jarylystan keıin 83 bala evakýatsııalandy, dep habarlaıdy QazAqparat Bilim jáne ǵylym mınıstrligine silteme jasap.

Mınıstrlike qarasty Balalardyń quqyqtaryn qorǵaý komıtetine kelip túsken aqparatqa sáıkes Jambyl oblysynda (Baızaq aýdany) zardap shekkenderdiń arasynda balalar joq. Jergilikti atqarýshy organdardyń qyzmetkerleri jaqyn mańdaǵy eldi-mekenderden Taraz qalasyna, sondaı-aq Baızaq aýdanynyń Sarykemer jáne Keńes aýyldaryna 83 balany evakýatsııalady.

QR Bilim jáne ǵylym mınıstri Ashat Aımaǵambetovtiń tapsyrmasy boıynsha túnde oqıǵa ornyna Balalardyń quqyqtaryn qorǵaý komıtetiniń tóraǵasy E.N. Imanǵalıev bardy. Sondaı-aq oqıǵa ornynda QR Bilim jáne ǵylym mınıstrliginiń bilim salasynda sapany qamtamasyz etý jónindegi aýmaqtyq departamentiniń ókilderi de jumys istep jatyr.

«Evakýatsııalanǵan balalarǵa qajetti jaǵdaılar jasaldy, olar ystyq tamaqpen jáne dári-dármekpen qamtamasyz etildi. Uıyqtaıtyn oryndar karantın talaptaryn eskere otyryp jabdyqtaldy.

Evakýatsııalanǵan balalarǵa qoldaý kórsetý úshin QR BǴM ata-analarǵa balalaryn «Baldáýren» respýblıkalyq oqý-saýyqtyrý ortalyǵyna jiberýdi usyndy. Ortalyqta barlyq jaǵdaı jasalǵan. Mundaı tájirıbe buryn-sońdy oryn alǵan tótenshe jaǵdaılar kezinde paıdalanylǵan», delingen habarlamada.

Aıta keteıik, balalarǵa jedel kómek kórsetýdi uıymdastyrý úshin QR Bilim jáne ǵylym mınıstrligi shuǵyl túrde táýlik boıy jumys isteıtin jedel jelilerdiń jumysyn uıymdastyrdy: «Bala gorqau» Telegram chaty - 8 702 564 2168, 8 701 210 0238, 8 7172 742528.