BǴM: Mektep oqýlyqtaryn jetkizý merzimin buzǵan jergilikti atqarýshy organdar jaýapkershilikke tartylady
ASTANA. QazAqparat - Mektep oqýlyqtaryn jetkizý merzimin buzǵan jergilikti atqarýshy organdar jaýapkershilikke tartylady. Bul týraly búgin Ortalyq kommýnıkatsııalar qyzmetinde ótken brıfıngte QR Bilim jáne ǵylym mınıstrligi Bilim berý jáne ǵylym salasyndaǵy baqylaý komıtetiniń tóraǵasy Saıat Núsipov málim etti. Brıfıngte óńirlerdegi mektepterdiń oqý jylyna daıyndyǵy týraly másele qaralǵan bolatyn.
«Jekelegen óńirlerde qarjylandyrýdyń keshiktirilýine oraı, mektepterdi oqýlyqpen tolyq qamtamasyz etý máselesinde birshama táýekelder áli de saqtalýda. Osyǵan oraı, Bilim jáne ǵylym mınıstrligi osy máselemen aınalysatyn jergilikti atqarýshy organdardyń jaýapkershiligi bolatynyn taǵy da eske salady. Biz bul sharýany udaıy baqylaýda ustaıtyn bolamyz. Árbir onkúndik saıyn biz jergilikti atqarýshy bılik usynatyn eseptik aqparattyq materıaldar arqyly ǵana emes, bilim jáne ǵylym salasyndaǵy baqylaý jónindegi departamentter arqyly jaǵdaıǵa monıtorıng jasaımyz. Ondaı departamentter bizdiń barlyq oblystarymyzda bar», - dedi Saıat Núsipov.
Eske sala ketsek, mınıstrliktiń málimetterine qaraǵanda, búgingi kúni Astana jáne Almaty qalalaryndaǵy mektepterge oqý quraldarynyń 98 paıyzy jetkizilgen bolsa, keıbir óńirlerde jaǵdaı tómen. Máselen, Qostanaı oblysynda oqýlyq jetkizý - 12,5 paıyz, Aqtóbe oblysy - 18 paıyz, Shyǵys Qazaqstan oblysy -12, Mańǵystaý oblysy -38 paıyz, Qyzylorda oblysy -18 paıyzdy qurap otyr.
