BǴM komıtet janyndaǵy úkimettik emes qoǵamdyq uıymdardyń konsýltatıvtik keńesiniń otyrysyn ótkizdi
ASTANA. 26 qyrkúıek. QazAqparat. Qazaqstan Respýblıkasy Bilim jáne ǵylym mınıstrligi Balalardyń quqyqtaryn qorǵaý komıteti 2011 jylǵy 26 qyrkúıekte Qazaqstan Respýblıkasy Bilim jáne ǵylym mınıstrligi Balalardyń quqyqtaryn qorǵaý komıtetiniń janyndaǵy Úkimettik emes qoǵamdyq uıymdardyń konsýltatıvtik keńesiniń otyrysyn ótkizdi (budan ári-ÚEU Keńesi), dep habarlaıdy baspasóz qyzmeti.
ÚEU Keńesi quramyna barlyq aımaqtardaǵy balalyq shaq salasynda jumys isteıtin úkimettik emes uıymdardyń ókilderi engizildi.
ÚEU Keńesi Qazaqstan Respýblıkasy balalarynyń quqyqtaryn qorǵaýdyń tıimdi júıesin qalyptastyrýda memleket jáne azamattyq qoǵam arasyndaǵy ózara qarym-qatynasty jetildirý jáne yntymaqtastyrý maqsatynda qurylǵan.ÚEU Keńesi jumysyna ÚEU Keńes músheleri, Balalardyń quqyqtaryn qorǵaý departamentteriniń dırektorlary jáne jetim balalar men ata-analarynyń qamqorlyǵynsyz qalǵan balalarǵa arnalǵan bilim berý uıymdary dırektorlarynyń Respýblıkalyq keńesiniń músheleri qatysady.
ÚEU Keńesinde ÚEU Keńesi týraly ereje jáne 2011 jylǵa arnalǵan jumys josparynyń jobasyn talqylandy.
Sonymen qatar, balalyq shaqty quqyqtyq qorǵaýdyń eń mańyzdy aspektileri qaralyp, ÚEU konsýltatıvtik keńesiniń balalar máselesine baılanysty memlekettik organdarmen jáne qoǵammen ózara qarym-qatynasynyń tetikterii anyqtaldy.
ÚEU Keńesi músheleri «Pravo» Qoǵamdyq Qorynyń jumys tájirıbesimen tanysty. Sondaı-aq, Astana qalasy men Qaraǵandy oblysyndaǵy bilim berý uıymdaryna balalardy oqytý men tárbıeleý jaǵdaılarymen tanysý maqsatynda barmaq.
Otyrys jumysynyń qorytyndysy boıynsha memlekettik organdarmen jáne basqa da úkimettik emes uıymdarmen ózara qarym-qatynaty nyǵaıtý úshin 7 negizgi baǵyt anyqtaldy.
