BǴM «Ǵylym qory» basqarmasynyń burynǵy tóraǵasy sottaldy

NUR-SULTAN. QazAqparat - Sybaılas jemqorlyqqa qarsy qyzmeti QR BǴM «Ǵylym qory» AQ basqarmasynyń burynǵy tóraǵasy A.J.Sultanǵazınge qatysty sybaılas jemqorlyq qylmysyn jasady degen kúdikpen sotqa deıingi tergeýdi júrgizdi, dep habarlaıdy QazAqparat atalmysh vedomostvonyń baspasóz qyzmetine silteme jasap.

Ol Qaraǵandy memlekettik ýnıversıtetiniń rektory A.T.Edrısovke QR Bilim jáne ǵylym mınıstriniń jeke qabyldaýyn uıymdastyrǵany úshin odan 5 myń AQSh dollary kóleminde para aldy dep kúdikteldi.

A.j. 18 jeltoqsanynda Nur-Sultan qalasynyń Almaty aýdanynyń №2 aýdandyq sotynyń úkimimen A.J.Sultanǵazın kináli dep tanylyp, oǵan 57 mln teńge kóleminde aıyppul salyndy.

Atalǵan tulǵa ómir boıy memlekettik qyzmette laýazymdar atqarý quqyǵynan aıyryldy.