BǴM: Grant ıegerleri osy aptada belgili bolady
ASTANA. QazAqparat - Grant ıegerleri osy aptada belgili bolady. Bul týraly búgin Bilim granttaryn taǵaıyndaý boıynsha respýblıkalyq konkýrstyq komıssııanyń otyrysynda QR Bilim jáne ǵylym mınıstri Aslan Sárinjipov málim etti.
"Barlyq nátıjeler BAQ betterinde jarııalanatyn bolady. Komıssııa otyrysy bitisimen, qajetti aqparattar mınıstrlik saıtynda jáne jetekshi aqparat agenttikteriniń jańalyqtar taspasyna shyǵarylady. Sonymen qatar respýblıkalyq gazetterde de basylady. Komıssııa jumysy qorytyndylanǵannan keıin, osy aptada, eki kúnnen soń grant ıegerlerin jarııalaıtyn bolamyz", - dep atap ótti ol.
Sonymen qatar mınıstr, granttyń qunyna qatysty derekterdi aıtyp berdi.
"Ol joǵary oqý ornyna baılanysty. Mysaly, bizde ulttyq joǵary oqý oryndarynda oqý aqysy 600 myń teńge, basqa ýnıversıtetterde 300 myń teńge kóleminde turady", - deıdi A. Sárinjipov.
Bunyń aldynda habarlaǵanymyzdaı, memleket tarapynan biz 32 myń grant bólinbek. Onyń ishinde tehnıkalyq mamandyqtarǵa - 12,5 myń grant, pedagogıkalyq mamandyqtarǵa - 6 myń grant, aýyl sharýashylyǵy mamandyqtaryna 2,5 myń grant qarastyrylyp otyr. Bıyl konkýrsqa qatysatyn balalardyń sany - 67 myń. 32 myń granttyń ishinde 78 paıyzy qazaq bólimderine, 22 paıyzy orys tili bólimderine beriledi.
