BǴM: Dene shynyqtyrý sabaǵyna qandaı jańalyqtar enedi
ALMATY. QazAqparat - QR Bilim jáne ǵylym mınıstriniń keńesshisi Maırash Táıkenova elimizdegi stýdentter sporttynyń damýy týraly pikirin bildirdi, dep habarlaıdy QazAqparat tilshisi.
19-26 tamyz kúnderi Almatyda bolatyn Fýtzaldan stýdentter arasyndaǵy álem birinshiligi aldynda ótken baspasóz máslıhatynda ol bilim berý mekemelerindegi sport sektsııasynyń jumystaryna toqtaldy.
«Tıptik oqý josparynda dene shynyqtyrý sabaǵy aptasyna 3 ret belgilengen. Qazir mınıstr sabaqtyń 1/3 bóligi saıys túrinde ótkenin jón kórip otyr. ıAǵnı, oqýshylar memlekettik standartqa sáıkes fızıkalyq damý jattyǵýlaryn ǵana jasamaıdy, jarys túrine ótedi. Mektep ákimshiligi qandaı sport túrin damytamyn dese de óz erikteri. Eger ol mektepke fýtbol qyzyqty bolsa sony, hokkeı dese hokkeıdi qaldyrsyn», - dedi Maırash Taıkenova.
Qazirgi bilim berý júıesinde bilim mekemelerine sporttyń kez-kelgen baǵytyn tańdaýyna jaǵdaı jasalǵan.
«Budan bólek kolledj stýdentteri de sportqa den qoıyp keledi. Jarystar men fýtbol lıgasy bar. Shahmat oıyny damyp jatyr. Astanada kez-kelgen mektepte shahmat sektsııasy bar. Fýtboldan Ulttyq stýdentter lıgasy sportsúıer jastardyń shoǵyryn jınaýda», - dedi Maırash Táıkenova.
