BǴM: Basty baǵyt - Nazarbaev zııatkerlik mektebiniń tájirıbesin orta mektepterge engizý

NUR-SULTAN. QazAqparat - Elordada ótip jatqan «Mektep álemin ózgertetin - ustazdar» konferentsııasynda elimizdegi jalpy mektepter bolashaqta Nazarbaev Zııatkerlik mektepteri júıesimen jumys isteıtini aıtyldy, dep habarlaıdy QazAqparat tilshisi.

«Muǵalim mártebesin kóteretin naǵyz muǵalimder ekenine taǵy bir kózimiz jetip otyr. Elimizdiń bolashaǵy osyndaı ustazdardyń qolynda», - deıdi QR Bilim jáne ǵylym vıtse-mınıstri Sholpan Karınova.

Ol QR Bilim jáne ǵylym mınıstrligi atynan bul konferentsııa búgingi kúni bilim berý júıesiniń ózekti máselelerin talqylaıtyn birden-bir ınnovatsııalyq alań bolyp otyrǵanyn aıtty.

«Qaı zamanda bolsa da, bilim, mádenıet jáne qundylyqtardy urpaqtan urpaqqa jetkizetin tek qana muǵalim ekeni túsinikti. Búgingi kúni bilim salasyndaǵy basty strategııalyq baǵyttardyń biri - Nazarbaev zııatkerlik mektepteriniń tájirıbesin Qazaqstandaǵy jalpy bilim beretin mektepterge taratý. Osy isti atqaryp otyrǵan barlyq áripteske alǵys aıtqymyz keledi», - deıdi ol.

Kún tártibine búgingi tańda álemdegi barlyq pedagogtardy tolǵandyratyn «muǵalim - oqýshy» seriktestigi, jahandyq quzirettilik, muǵalimderdiń úzdiksiz bilim alýy, bilim mazmuny men baǵalaý, qolaıly bilim berý ortasyn qurý sııaqty ózekti máseleler engizilgen.

Eske sala ketsek, buǵan deıin elordada «Mektep álemin ózgertetin - ustazdar» atty HІ halyqaralyq konferentsııa ótip jatqanyn jazǵan bolatynbyz.