BǴM basshysy sýıtsıdtiń UBT-ǵa eshqandaı qatysy joq dep esepteıdi
ASTANA. QazAqparat - QR Bilim jáne ǵylym mınıstri Aslan Sárinjipov mektep oqýshylarynyń ózine ózi qol jumsaýy men UBT arasynda eshqandaı baılanys joq dep esepteıdi. Bul týraly ol búgin Ortalyq kommýnıkatsııalar qyzmetinde ótken brıfıngte málim etti.
«Quzyrly organ Densaýlyq saqtaý mınıstrligi bolyp tabylady. Oqıǵalardyń basym bóligi densaýlyqqa jáne psıhıkalyq jaǵdaıǵa baılanysty bolǵandyqtan, UBT-men baılanysyn kórip otyrǵanymyz joq», - dep atap ótti mınıstr tilshiniń suraǵyna jaýap berý kezinde.
Degenmen mınıstr mundaı jaǵdaılar vedomstvonyń jiti nazarynda bolatyndyǵyn habarlady.
«Árbir jeke oqıǵa komıssııanyń otyrysynda qaralady. Ár jaǵdaı boıynsha egjeı-tegjeıli zertteý júrgiziledi», - dedi ol.
