BǴM: 7 oblys pen 1 qaladaǵy mektepterde jyly dárethana kórsetkishi 100%-ǵa jetpeıdi
Vedomstvonyń málimdeýinshe, másele mektep aýlasyndaǵy dárethanalarǵa qatysty suraqtardy sheshý jáne beınebaqylaý kamerasy, dabyl batyrmasy jáne qaýipsizdik júıelesiniń basqa elementrimen qamtamasyz etýge qatysty.
«Mektepterdi qarjylandyrý fýnktsııalary, olardyń qurylysy jáne qajetti jaǵdaı jasaý, onyń ishinde sanıtarııa, qaýipsizdik júıesimen qamtamasyz etý máseleleri zań júzinde ákimdiktiń quzyrynda ekenin atap ótken jón», delingen habarlamada.
Oqý jylynyń bastalýy qarsańynda mınıstrlikke qarasty Bilim jáne ǵylym salasynda sapany qamtamasyz etý komıtetiniń qyzmetkerleri elimizdiń barlyq oblysy men qalasyndaǵy ákimdikterge vedomstvolyq baǵynyshty mektepterdi tekserdi.
«Inspektsııa barysynda Túrkistan, Aqtóbe, Almaty, Shyǵys Qazaqstan, Batys Qazaqstan, Qaraǵandy, Qostanaı oblystaryndaǵy jáne Shymkent qalasyndaǵy mektepterde jyly dárethanalarmen qamtamasyz etý boıynsha kórsetkishtiń 100%-ǵa jetpeıtini anyqtaldy. Buǵan deıin Úkimet oqý jylynyń basynda mektep aýlasyndaǵy barlyq dárethanany joıý mindetin qoıǵan bolatyn», delingen habarlamada.
Sonymen qatar paıdalanylatyn jyly dárethanalardyń epıdemıologııa talaptaryna sáıkestigi boıynsha da suraqtar týyndaǵan.
«Atap aıtsaq, jabyq kabına, qoldy jýý jáne keptirýge arnalǵan qural-jabdyqtyń bolmaýy jónindegi jáne taǵy basqa talaptar. Osyndaı máselelerdi sheshý úshin QR BǴM Bilim jáne ǵylym salasyndaǵy sapany qamtamasyz etý komıteti sanıtarııa erejesine ózgeris engizdi», delingen habaralamada.
Jergilikti atqarýshy organdar qysqa merzimde 2 600-den astam jyly dárethana salynǵan.
«Sonymen birge Almaty, Shyǵys Qazaqstan jáne Túrkistan oblystarynda beınebaqylaý kameralaryn ornatý boıynsha máseleler tolyq sheshilmegen», - dep málimdedi vedomstvodan.
