Bezbúırek ata-ana óz balalaryn vıdeooıyn úshin satyp jibergen
ASTANA. QazAqparat - Qytaıdaǵy erli-zaıyptylar eki balasyn satyp jibergen. Al odan túsken aqshaǵa ákesi F2P-oıyndaryna jumsaǵan, dep jazady sheteldik BAQ.
A Hýeı men A Meı 1990 jyly dúnıege kelgen. Olar balaly bolýdy josparlamaǵan soń, tuńǵyshy paıda bolǵanda qýana qoımaǵan eken. Anasynyń sózine qaraǵanda, A Hýeı balasyna aqsha jumsaýdy qalamaı, ony Fýtszıan provıntsııasyndaǵy balalar saýdasymen aınalysatyndarǵa satýdy uıǵarǵan. Keıin A Meı taǵy júkti bolyp qalǵan. Onyń azamattyq nekedegi kúıeýi bul balasyn da satyp, aqshasyna F2P-oıynyn satyp alǵan. «Ol oıyndardaǵy zatty satyp alýdy unatady jáne kóp ýaqyt ınternet-kafelerde ótkizedi», - deıdi áıeli.
Otbasylyq juptyń qylmysy týraly A Hýeıdiń ákesi habarlady. Qazir balalardyń ata-anasy qamaýǵa alynyp, sot sheshimin kútýde. Qytaıda balalar saýdasymen aınalysqandarǵa jıi ólim jazasyn taǵaıyndaıtyn kórinedi.
Osyǵan uqsas oqıǵa QHR-da 2011 jyly bolǵan. Onda qytaılyq erli-zaıyptylar onlaın-oıyndar úshin aqsha tólemek bolyp úsh balasyn satqan. Lı Lın jáne Lı Dzıýan balalaryn 2009 jyldan satpaq bolǵan. Belgili bolǵandaı, olar zańǵa qarsy áreket jasap jatqanyn bilmegen. Balalaryńdy saǵynbaısyńdar ma degen saýalǵa olar: «Biz olardy ósirgimiz kelmeıdi, kishkene bolsyn aqsha alý úshin olardy satqymyz keledi», - dep jaýap bergen eken.
