Beıjińde Visit Aktobe roýd-shoýy ótti
Aqtóbe oblysy qytaılyq týroperatorlarǵa Qazaqstan óńiriniń týrıstik áleýetin tanystyrdy. Búgin Beıjińde Visit Aktobe roýd-shoýy ótti, dep habarlaıdy Kazinform agenttiginiń menshikti tilshisi.
««Visit Aktobe» týrıstik aqparattyq ortalyq dırektory Ersaıyn Sııýnovtiń sózinshe, Qytaıdaǵy búgingi roýd-shoý Aqtóbe oblysynyń týrıstik áleýetin damytýǵa baǵyttalǵan. Qazirgi kúni óńirde 30-ǵa jýyq týrıstik baǵyt iske qosyldy. Sonymen qatar, bolashaǵy zor baǵyttardyń biri - ekologııalyq týrızmdi damytý basty nazarda bolyp tur.
Ol Qytaıda Aqtóbe oblysynyń 12 týrıstik lokatsııasy tanystyrylatynyn aıtty. Visit Aktobe roýd-shoýy Qytaı megapolısi Shanhaı qalasynda da ótedi.
Tanystyrý kezinde «Visit Aktobe» týrıstik aqparattyq ortalyq» ókilderi is-sharanyń kásibı qatysýshylaryna Aqtóbe oblysyndaǵy týrıstik oryndar týraly baıandap berdi.
Budan bólek, Qytaıdaǵy roýd-shoý aıasynda Qazaqstannyń týrıstik sala ókilderi men qytaılyq týroperatorlar arasynda iskerlik kezdesýler, qazaqstandyq qolóner sheberlerinen sheberlik saǵattary, biregeı kádesyı men buıymdar kórmesi, sonymen qatar ulttyq táttilerden dám tatý josparlanǵan.
2024 jyl Qytaıda Qazaqstan týrızmi jyly bolyp jarııalanǵanyn eske sala keteıik.
