Beıjińde toǵyzqumalaqtan týrnır ótti
ASTANA. KAZINFORM — Beıjińdegi Qazaqstan mádenıet ortalyǵynda toǵyzqumalaqtan sheberlik sabaǵy men týrnır ótti. «Ulttyq mura — urpaqqa amanat» is-sharasy Respýblıka kúnine oraı uıymdastyryldy. Bul týraly Mádenıet jáne aqparat mınıstrligi habarlady.
Іs-sharany Qazaqstannyń Qytaı Halyq Respýblıkasyndaǵy elshiliginiń qoldaýymen Beıjińdegi Qazaqstan mádenıet ortalyǵy, Dúnıejúzilik toǵyzqumalaq federatsııasy jáne QR Toǵyzqumalaq sporty federatsııasy uıymdastyrdy.
Jıynǵa dıplomattar, stýdentter, bilim men óner salasynyń ókilderi jáne qala turǵyndary qatysty. Sheberlik sabaǵyna kelgen 50-ge jýyq adam oıynnyń tarıhy men erejelerimen tanysyp, qazaqtyń ulttyq zııatkerlik oıynyn oınap kórdi.
Týrnırde 32 qatysýshy baq synady. Olardyń ekeýi — Qazaqstan azamaty. Birinshi oryndy 13 jastaǵy qazaqstandyq ıelendi. Ekinshi jáne úshinshi oryndy Beıjińdegi Ortalyq ulttar ýnıversıtetiniń qytaılyq stýdentteri aldy. Júldegerlerge Toǵyzqumalaq sport federatsııasynyń prezıdenti Ákim Tursyn atynan arnaıy syılyqtar tabystaldy.
Іs-shara aıasynda Beıjińdegi Qazaqstan mádenıet ortalyǵy men QR Toǵyzqumalaq sporty federatsııasy yntymaqtastyq týraly memorandýmǵa qol qoıdy. Qujatta toǵyzqumalaqty Qytaıda keńinen nasıhattaý, mádenı, bilim berý jáne sporttyq is-sharalardy birlesip ótkizý kózdelgen.
Buǵan deıin Qyzylorda oblysynyń tanymal ónerpazdary men shyǵarmashylyq ujymdary Beıjińdegi Qazaqstannyń mádenı ortalyǵynda «Sulý Syrdan sazdy sálem» atty merekelik kontsert berdi.
