Beıjińde ShYU sammıtine daıyndyq barysy talqylandy
ASTANA. KAZINFORM – 2024 jylǵy 22-25 sáýirde Beıjińde Shanhaı yntymaqtastyq uıymy (ShYU) Hatshylyǵynda qazaqstandyq taraptyń tóraǵalyǵymen Uıymǵa múshe memleketterdiń ulttyq úılestirýshileriniń keńesi ótti. Bul týraly ShYU telegram-kanalynda habarlandy.
«Astana qalasynda ótetin ShYU-ǵa múshe memleketterdiń Syrtqy ister mınıstrleri keńesi men Memleket basshylary keńesiniń aldaǵy otyrystaryna daıyndyq jáne mazmuny máseleleri, sondaı-aq saıası-dıplomatııalyq, saýda-ekonomıkalyq jáne mádenı-gýmanıtarlyq salalardaǵy kópjaqty yntymaqtastyqqa qatysty qujattardyń jobalary eleýli túrde qarastyryldy», - delingen habarlamada.
ShYU aıasynda praktıkalyq ózara is-qımyl deńgeıin arttyrýǵa erekshe nazar aýdaryldy. Osy turǵyda Uıymdy jáne onyń turaqty organdaryn jańǵyrtý, sondaı-aq ShYU-nyń dıalog boıynsha seriktesterimen jáne halyqaralyq birlestiktermen jumysyn kúsheıtý taqyryby boıynsha pikir almasý ótti.
4 shildede Astanada Shanhaı yntymaqtastyq uıymynyń sammıti ótedi.
Eske sala ketsek, QR Prezıdenti ShYU Bas hatshysy Chjan Mınmen kezdesý ótkizdi. Áńgimelesýshiler ShYU jumysyn odan ári jetildirý máseleleri boıynsha pikir almasty.
2024 jyldy Qazaqstannyń syrtqy saıasatynyń jyly dep belgileýge bolady – bizdiń elimiz birden alty halyqaralyq uıymdy basqaryp otyr.