Beıjińde shekaradan ótetinder sany 7 mln-nan asty

ASTANA. KAZINFORM – Jyl basynan beri Beıjińde shekaradan ótkender sany 7 mıllıonnan asyp, ótken jylmen salystyrǵanda 13,3%-ǵa artty, dep habarlaıdy Sınhýa.

Qytaı astanasy shekaralyq baqylaý qyzmetiniń málimetinshe, osy kezeńde 2,28 mıllıonnan astam sheteldik azamat elge kirgen. Bul ótken jyldyń sáıkes kezeńimen salystyrǵanda 34%-ǵa kóp.

25 sáýirdegi derek boıynsha, Beıjińge kelgen sheteldikterdiń shamamen 828 myńy vızasyz rejım nemese ýaqytsha kirý ruqsattaryn paıdalanǵan. Bul – jalpy kelýshilerdiń 70,4%-yn quraıdy.

Mamandar mundaı ósimdi vızasyz rejımniń keńeıýimen baılanystyrady. Qazirgi tańda Qytaı 50 el úshin birjaqty vızasyz rejım engizgen. Sonymen qatar 55 eldiń azamattaryna 240 saǵattyq vızasyz tranzıt múmkindigi qarastyrylǵan.

Jolaýshylar aǵynynyń artýyna baılanysty Beıjińde shekaralyq baqylaý rásimderi de jetildirildi. Atap aıtqanda, 240 saǵattyq vızasyz tranzıtke ótinish berýshiler úshin «bir tereze» qyzmeti engizilip, týrısterge keńes berý jáne mıgratsııalyq kartalardy toltyrýǵa kómek kórsetý uıymdastyrylǵan.

Aıta keteıik, shekaradaǵy kezekti azaıtý úshin kútý aımaqtaryna jańa talaptar engiziledi.