Beıjińde robottardyń marafony ótip jatyr
ASTANA. KAZINFORM — Robottar arasynda ótken alǵashqy jahandyq jartylaı marafon — Beıjiń Adam tárizdi robottar marafony 19 sáýir kúni tústen buryn Qytaı astanasynyń Ichjýan aýdanynda bastaldy. Bul týraly Sınhýa agenttigi habarlady.
Sportshylar sóreden bir mezgilde lap qoıatyn kádimgi marafonnan aıyrmashylyǵy — robottar jarys jolyna irikteý kezeńindegi nátıjelerine sáıkes kezegimen shyǵýǵa tıis. Dúbirli dodany bıiktigi 1,8 metrge jetetin eńgezerdeı boıymen oqshaý kózge túsken «Tıangýn» komandasynyń roboty bastady. Onyń qazirge deıingi eń jaqsy nátıjesi — 1 saǵatta 12 shaqyrym qashyqtyqty eńsergen edi.
Belgili bolǵandaı, jartylaı marafonǵa eldiń Beıjiń, Shanhaı, Gýanchjoý, Tszıansý sekildi óńirlerinen 21 kásiporyn men joǵary oqý ornynyń komandalary qatysyp jatyr. Іrikteý kezeńinen súrinbeı ótken 21 komandanyń robottary 21 shaqyrymdyq jartylaı marafon jolynda sportshylarmen birge «baq synasady».
Qaýipsizdigin qamtamasyz etý úshin robottar men sportshylar bir baǵytta júgirgenimen, olar úshin bólek jolaqtar qarastyrylǵan.
Buǵan deıin Qytaılyq kompanııanyń robot-bala kútýshisin jasap shyǵarǵanyn jazǵan bolatynbyz.