Beıjińde mánerlep syrǵanaýdan Olımpıadaǵa irikteý týrnıri bastaldy

ASTANA. KAZINFORM – 19 qyrkúıekte Qytaı astanasynda mánerlep syrǵanaýdan Olımpıadaǵa irikteý týrnıri bastaldy. 

Qazaqstan atynan alǵash bolyp Boısangýr Datıev pen Gaýhar Naýryzova óner kórsetti.

Sportshylar muzdaǵy bıden 2026 jylǵy Olımpıadaǵa joldama jeńip alý úshin baq synap jatyr.

Yrǵaqty bıdiń qorytyndysy boıynsha olar 50,64 upaı jınap, aralyq esepte 16-orynǵa turaqtady. Birinshi orynǵa 80,92 upaımen Ellıson Rıd pen Saýlıýs Ambrýlevıchıýs (Lıtva) jaıǵasty.

Aıta keteıik, erkin baǵdarlama 21 qyrkúıekte ótedi.

Al erler arasynda ótetin jekeleı saıysta Qazaqstan namysyn Dıas Jırenbaev qorǵaıdy.