Beıjińde Qazaqstan tarıhy beınelengen fotokórme ashyldy
ASTANA. KAZINFORM – Qazaqstannyń Beıjińdegi Mádenı ortalyǵynda eldiń tarıhı jáne mádenı murasyna arnalǵan «Ǵasyrlar izimen: Qazaqstan tarıhynyń beınesi» atty fotokórme ashyldy, dep habarlaıdy Kazinform agenttiginiń Beıjińdegi menshikti tilshisi.
Kórmege Qazaqstan tarıhynyń ártúrli kezeńderin, ulttyq dástúrler jáne eldiń arheologııalyq murasyn qamtıtyn fotosýretter qoıyldy. Ashylý saltanatynda Qazaqstan Respýblıkasynyń Qytaı Halyq Respýblıkasyndaǵy elshiliginiń keńesshisi Qýanysh Amantaı men QR Ulttyq ortalyq murajaıynyń ǵylymı hatshysy Ersin Jaınaqov sóz sóıledi.
Uıymdastyrýshylardyń habarlaýynsha, kórmeniń basty maqsaty – qytaılyq kórermenderdi fotosýretter arqyly Qazaqstannyń baı tarıhı jáne mádenı murasymen tanystyrý, sondaı-aq eldiń tarıhy men ulttyq qundylyqtaryn halyqaralyq deńgeıde nasıhattaý.
- Búgin kórmede arnaıy ekspedıtsııa kezinde Reseı murajaılaryndaǵy túpnusqa fotosýretterden alynǵan qazaq halqynyń tarıhy men kúndelikti ómirin kórsetetin fotosýretter tanystyrylyp otyr. Kóne kadrlardyń nashar jaǵdaıyna baılanysty biz olardyń sapasyn jasandy ıntellekt arqyly qalpyna keltirdik, - dep atap ótti Ersin Jaınaqov.
Jobany Qazaqstannyń Ulttyq ortalyq murajaıy, Qazaqstan Respýblıkasynyń QHR-daǵy elshiligi jáne Qazaqstannyń Beıjińdegi mádenı ortalyǵy uıymdastyrdy. Kórme – eki el mádenıetiniń toǵyspaly jylynyń bóligi. Onyń jumysy 22-29 tamyz aralyǵynda jalǵasady.
Tarazda Qarahan memleketiniń aqsha aınalymyn aıǵaqtaıtyn jádigerler kórsetilgenin jazǵan edik.
