Beıjińde halyqaralyq farmatsevtıkalyq ınnovatsııalyq park salynady

ASTANA. KAZINFORM — Beıjiń bıligi el astanasynyń ońtústik shetinde halyqaralyq farmatsevtıkalyq ınnovatsııalyq park salyp, medıtsına men densaýlyq saqtaý salasyndaǵy álemdik ǵalymdardy tartýdy josparlap otyr, dep jazady Sınhýa.

Park «Ichjýan» elektrondy qalashyǵyndaǵy tehno-ekonomıkalyq damý aımaǵyna salynady, bul týraly beısenbi kúni aıaqtalǵan 3-shi Boao Azııa forýmynda aıtyldy.

Parktiń josparlanǵan aýmaǵy 5,8 km. sharshy metrdi quraıdy. Onda halyqaralyq korporatsııalardyń shtab-páteri ornalasady jáne álemdik deńgeıdegi mamandandyrylǵan aýrýhanalar men medıtsınalyq salalardy damytýǵa baǵyttalǵan ortalyqtar bolady.

«Biz bıo jáne aqparattyq tehnologııalardyń keshendi damýyna yqpal etemiz, sondaı-aq jasandy ıntellektiniń esepteý qýatyn paıdalana otyryp, jańa preparattar salasyndaǵy ǴZTKJ dınamıkasyn arttyramyz», - dedi ákimshilik komıtettiń basshysv Kýn Leı.