Beıjińde Ekinshi dúnıejúzilik soǵystaǵy jeńistiń 80 jyldyǵyna arnalǵan parad ótedi
ASTANA. KAZINFORM – Ekinshi dúnıejúzilik soǵystaǵy jeńistiń 80 jyldyǵyna arnalǵan Qytaı Halyq Respýblıkasy (QHR) tarıhyndaǵy eń iri áskerı parad 3 qyrkúıek kúni Beıjińde ótedi.
QHR Ortalyq áskerı keńesi Birlesken shtabynyń jedel basqarmasy bastyǵynyń orynbasary, general-maıor Ý Tszeke-niń aıtqanyndaı, paradta alǵash ret Qytaı qarýly kúshteriniń jańa qurylymy kórsetiledi. Sonymen qatar alǵash ret, jer, teńiz jáne áýedegi, gıperdybysty, joǵardy dáldikpen soqqy beretin, ushqyshsyz ushatyn jáne olarǵa qarsy apparattar sııaqty strategııalyq qarýlardyń jańa túrleri tanystyrylady.
Paradta 45 eseptop qurylady jáne olardyń sherýi 70 mınýtqa sozylady.
Ý Tszeke-niń aıtýynsha, Qurlyq áskerleri, Áskerı-teńiz kúshteri, Áskerı-áýe kúshteri jáne Zymyran áskerimen qatar, paradta tórt jańa quram tanystyrylady: Áskerı-ǵarysh kúshteri, Kıberkeńistik áskeri, Aqparattyq qoldaý kúshteri jáne Materıaldyq-tehnıkalyq qamtamasyz etý áskeri.
Sárseni kúni Beıjińde aýqymdy parad ótip, onda Qytaı halyq-azatttyq armııasy (QHAA) qoldanystaǵy áskerı tehnıkasyn kórsetedi.
QHR qurylǵan 1949 jyldan beri áskerı paradtar Beıjińdegi Tıananmen alańynda merzimdi túrde ótkizilip keledi. Sońǵy iri shara 2019 jylǵy 1 qazanda Qytaı Halyq Respýblıkasynyń 70 jyldyǵyna oraı uıymdastyrylǵan bolatyn.
Buǵan deıin Beıjińdegi áskerı paradqa 26 eldiń basshysy qatysatyny habarlanǵan.
Osyǵan deıin Beıjińdegi áskerı paradqa 26 eldiń basshylary qatysatyny týraly jazdyq.