Beıjińde Dúnıejúzilik robototehnıka konferentsııasy ótip jatyr

ASTANA.KAZINFORM — Qytaı astanasynda robototehnıka boıynsha dúnıejúzilik konferentsııa ótip jatyr. Onynshy ret ótkizilip jatqan shara Qytaıdyń robototehnıka salasynyń qarqyndy damýy aıasynda uıymdastyrylyp otyr, dep habarlaıdy Sınhýa. 

Konferentsııada kognıtıvti fýnktsııalar, sheshim qabyldaý jáne qaýipsizdik salalaryn qosa alǵanda, ıntellektýaldy robottar damytýdyń negizgi baǵyttary usynyldy.

Qytaı elektronıka ınstıtýty men Dúnıejúzilik robototehnıka yntymaqtastyǵy uıymy birlesip uıymdastyrǵan bes kúndik shara forýmdar, kórmeler, baıqaýlar men iskerlik kezdesýlerdi qamtıdy. Sharaǵa álemniń túkpir-túkpirinen 200-den astam kompanııa qatysyp, ózderiniń sońǵy tehnıkalaryn usynady.

Aıta keteıik, Qytaı úkimeti memlekettik kásiporyndarda adam tárizdes robottarǵa suranysty belsendi yntalandyryp, 2025 jyly birqatar óndirýshi olardyń jappaı óndirisin bastap ta ketti.

Morgan Stanley boljamy boıynsha, Qytaıdyń robototehnıka naryǵy jylyna orta eseppen 23%-ǵa ósip, 2028 jylǵa qaraı 108 mıllıard dollarǵa jetedi.

Buǵan deıin Qytaıda alǵashqy adam tárizdi robottar dúkeni ashylǵan edi.