Beıjińde birinshi ulttyq ǵylymdy tanymal etý aılyǵy bastaldy
ASTANA. KAZINFORM — Qytaı astanasynda birinshi ulttyq ǵylymdy tanymal etý aılyǵy bastaldy. Ol jyl saıyn qyrkúıek aıynda ótkiziletin bolady. Bastama sapaly ǵylymı bilimge degen ósip kele jatqan qoǵamdyq suranysty qanaǵattandyrýǵa baǵyttalǵan, dep habarlaıdy China Daily.
Aılyq «Ǵylym ómirdi ózgertedi, ınnovatsııa bolashaqqa kepildik beredi» uranymen ótip jatyr. Ol qoǵamda ǵylymnyń qundylyǵy týraly turaqty túsinikti qalyptastyrýǵa baǵyttalǵan 100-den astam taqyryptyq kórme men arnaıy is-sharany qamtıdy.
Bastamanyń bastalýyna arnalǵan negizgi shara Beıjiń ǵylym jáne tehnologııa murajaıynda jáne Ulttyq ǵylymı kommýnıkatsııa ortalyǵynda ótti. Kelýshiler taqyryptyq eksponattarmen tanysyp, ınteraktıvti sabaqtarǵa qatysyp, ǵalymdarmen jáne eriktilermen tildese aldy.
QHR-nyń ǵylym men tehnıkany tanymal etý týraly jańartylǵan zańyna sáıkes, ár qyrkúıek aıy resmı túrde ǵylymdy tanymal etý aıy bolyp jarııalanady. Qujatta barlyq azamattardyń tıisti sharalarǵa qatysý quqyǵy bekitilgen.
Buǵan deıin Qazaqstan men Qytaı Qytaıda ǵylym men tehnologııanyń birlesken mektebin ashty dep jazǵan bolatynbyz.