Beıjińde «Bir beldeý, bir jol» halyqaralyq yntymaqtastyqtyń úshinshi forýmy ótedi
17-18 qazan aralyǵynda Beıjińde «Bir beldeý, bir jol» úshinshi halyqaralyq yntymaqtastyq forýmy ótedi. Bul týraly sársenbi kúni Qytaı Syrtqy ister mınıstrliginiń resmı ókili Hýa Chýnın málim etti, dep habarlaıdy Kazinform tilshisi.
QHR SІM saıtynda jarııalanǵan habarlamaǵa sáıkes, QHR tóraǵasy Sı Tszınpın forýmnyń ashylý saltanatyna qatysyp, negizgi baıandama jasaıdy, sondaı-aq forým qonaqtary úshin quttyqtaý banketin jáne ekijaqty is-sharalardy ótkizedi. Bul týraly sársenbide mınıstrliktiń baspasóz hatshysy Hýa Chýnın habarlady.
«Bir beldeý, bir jol» forýmy alǵash ret 2017 jyly mamyrda Beıjińde, al ekinshisi Qytaı astanasynda 2019 jyldyń sáýirinde ótti.
«Bir beldeý, bir jol» bastamasy 2013 jyly bastalǵan «Jibek jolynyń ekonomıkalyq beldeýi» men «HHІ ǵasyrdaǵy teńiz Jibek joly» jobalaryn biriktiredi.
