Beıjińde Áıelderdiń ǵalamdyq sammıti aıaqtaldy

ASTANA. KAZINFORM – Beıjińde Áıelderdiń ǵalamdyq sammıtiniń jabylý saltanaty ótti, dep habarlaıdy Sınhýa aqparat agenttigi.

Іs-sharaǵa Qytaı Halyq Respýblıkasynyń Memlekettik Keńes múshesi, Qytaı Áıelder federatsııasynyń tóraıymy Shen Itsın jáne BUU-nyń «BUU-áıelder» qurylymynyń atqarýshy dırektory, BUU hatshylyǵynyń orynbasary Sıma Samı Bahýs qatysyp, sóz sóıledi.

Shen Itsınniń aıtýynsha, Qytaı jarııalaǵan áıelder isiniń jahandyq damýyn qoldaý boıynsha bes praktıkalyq is-shara úlken derjavanyń jaýapkershiligin kórsetedi jáne olar sammıt qatysýshylarynyń joǵary baǵasyn aldy.

QHR Memlekettik Keńesiniń múshesi Qytaı basqa eldermen birlesip, sammıt barysynda paıda bolǵan mańyzdy bastamalar men strategııalyq konsensýstardy naqty is-áreketterge aınaldyrýǵa daıyn ekenin atap ótti. Ondaǵy maqsat –áıelderge armandaryn kóbirek júzege asyrýǵa jáne tabysqa jetýge kómektesý.

Samamıttiń jabylý rásimine júzden asa eldiń jáne halyqaralyq uıymdardyń shamamen 800 delegaty qatysty. Sheshimder men qorytyndylarda, 46 el men halyqaralyq uıymnyń jetekshileri men ókilderi plenarlyq sessııada sóz sóılep, bul sammıtti halyqaralyq áıelder qozǵalysynyń tarıhyndaǵy jańa beles dep atady jáne áıelderdiń jan-jaqty damý úderisin jedeldetýge baǵyttalǵan naqty qadamdar jasaýǵa ýáde berdi.

Aıta ketsek, Atyraý oblysynyń Inder aýdanynda aýyl áıelderiniń aımaqtyq forýmy ótkenin habarlaǵanbyz.