Beıjińde Astananyń týrıstik áleýeti tanystyrylady
ASTANA. KAZINFORM – 18 qazanda Beıjińde Qytaıda Qazaqstan týrızm jyly aıasynda qazaqstandyq týrıstik kompanııalardyń «Astana-Beıjiń 2024» Roýd-shoýy ótedi.
Roýd-shoýǵa qazaqstandyq týrıstik operatorlar, agenttikter men qonaqúı bıznesiniń ókilderi qatysady, bul Qazaqstan men Qytaıdyń týrıstik naryqtarynyń ókilderi arasynda yntymaqtastyqty nyǵaıtyp, jańa iskerlik baılanystardy ornatýǵa múmkindik beredi.
Sharanyń uıymdastyrýshylary – Astana qalasynyń ákimdigi, Qazaqstan Respýblıkasynyń QHR-daǵy Elshiligi, Visit Astana brendimen qyzmet etetin Astana damý ortalyǵy.
Іs-shara baǵdarlamasyna roýd-shoýlar, B2B kezdesýleri kiredi, olar týrızm salasyndaǵy yntymaqtastyq perspektıvalaryn talqylaý jáne Qytaı naryǵynda qazaqstandyq týrızmdi ilgeriletýge baǵyttalǵan.
Eske sala ketsek, 1-7 qazan aralyǵynda jalǵasqan «altyn apta» kezinde qytaılyq týrıster 100 mlrd dollarǵa jýyq qarjy jumsaǵan. Beıjiń «Altyn apta» kezinde týrıster sany men kiris boıynsha rekord jańartty. Qytaı astanasyna shamamen 21,6 mln týrıst keldi, al qalanyń týrızmnen túsken kirisi shamamen 3,8 mlrd dollardy qurady.
2024 jyl Qytaıda Qazaqstan týrızm jyly, al kelesi jyl Qazaqstanda Qytaı týrızm jyly bolyp jarııalandy.
