Beıjiń jartylaı marafonynda robottar adamdarmen birge júgiredi
ASTANA. KAZINFORM — Beıjińde robottar taǵy da adamdarmen básekege túsedi. Erekshe jartylaı marafon 19 sáýirde ótedi, dep habarlaıdy SCMP.
Ichjýandaǵy is-sharany uıymdastyrýshylar adam tárizdi robottar qatysatyn ekinshi marafonnyń ótetinin rastady. Ótken jyldaǵydaı, adamdar men robottar ózara jarysady.
Jarystyń bastalýy 19 sáýirge josparlanǵan, ol Beijing E-Town tehnologııalyq klasterinde ótedi. Qatysýshylar bir ýaqytta júgiristi bastaıdy, máre syzyǵy Nanhaıtszy parki aýmaǵynda ornalasady.
Jarysqa 100 shaqty tehnologııalyq kompanııalar men ýnıversıtetterden quralǵan komandalardyń 300-den astam roboty qatysady. Olardyń qatarynda Gonkongtan kelgen komanda da bar.
Mundaı erekshe format sport pen tehnologııany biriktirip, robototehnıkanyń damýyn jáne onyń qoǵamdyq ómirge ıntegratsııasyn kórsetedi.
Aıta keteıik, Qytaı mamandandyrylǵan robototehnıkany modeldengen ıntellekt deńgeıine kótermek.
Jeliniń flagmany — elektromagnıtterdi paıdalanyp tik qabyrǵalarda sharlaıtyn 90 kılogrammdyq alpınıstik robot. Qurylǵy lezde jaýap beretin VR ınterfeısi nemese jasandy ıntellekt júıesi arqyly basqarylady. Bul tehnologııa mamandarǵa keńseden bıik taýly jumystardy qaýipsiz oryndaýǵa múmkindik beredi.
Buǵan deıin Almaty mektepterinde robottandyrylǵan monıtorıng kesheni synaqtan ótkizilip jatqany týraly jazdyq.
