«Beıjiń-Parıj» kýltti rallıi Qazaqstan aýmaǵy arqyly ótti
ASTANA. KAZINFORM - Shamamen 100 avtokólik jáne olardy qoldaǵan 16 mashına 18 mamyrda Beıjiń janyndaǵy «Uly Qytaı qorǵanynan» shyǵyp, 2024 jylǵy 23 maýsymda Parıjge jetpek.
Uzyndyǵy 14500 km bolatyn baǵyt Qytaı men Qazaqstannan bólek Ázerbaıjan, Grýzııa, Túrkııa, Gretsııa, San-Marıno, Italııa jáne Frantsııa aýmaǵy arqyly ótedi, dep habarlaıdy «Kazakh Tourism» UK» AQ.
Bıyl kýltti «Beıjiń-Parıj» rallıi Qazaqstan aýmaǵynda Ulttyq týrızm ındýstrııasy qaýymdastyǵynyń qoldaýy jáne súıemeldeýimen ótti.
«Peking Paris Motor Challenge» sharasyna 27 elden shamamen 200 sportshy qatysady. Bul rallı álemdegi eń qıyn uzaq qashyqtyqqa arnalǵan turaqty rallılerdiń biri bolyp sanalady. Shara soǵysqa deıingi jáne klassıkalyq avtokólikterge arnalǵan jáne FIVA (Halyqaralyq Eski Avtomobılder Federatsııasy) ruqsatymen ótkiziledi.
Rallıdiń maqsaty – sharaǵa qatysýshylar baratyn barlyq elderdiń jergilikti jerin jáne mádenıetin zertteý.
Qazaqstanǵa qatysýshylar «Nur Joly» (QR) – «Horgos» (QHR) baqylaý-ótkizý beketi arqyly kirgen.
Qazaqstan aýmaǵynda baǵyt Almaty, Shymkent qalalary jáne Qyzylorda oblysy arqyly ótedi. Budan soń qatysýshylar Aqespe aýylynyń janynda lagerge toqtap, Aral teńizin jáne Beıneý aýylynyń mańyn aralaıdy. Ári sońynda Kaspıı teńizine jetedi.
Sodan keıin, rallı qatysýshylary Quryq portynan parommen mashınalaryn joldap, Aqtaý áýejaıy arqyly charterlik reıspen Bakýge jol tartady.
«Beıjiń-Parıj» rallıi jaı ǵana rallı emes, 1907 jyly paıda bolǵan álemdegi eń kóne marshrýttardyń biri. Ár úsh jyl saıyn Londondyq Endurance Rally Association (ERA) bul dástúrdi jandandyryp, 1976 jyldan úlken avtokólikterdi ǵana qatystyrýǵa múmkindik beredi. Paris Motor Challenge álemdik joba jáne oǵan kóptegen elderdiń adamdary qyzmet kórsetedi.
Aıta keteıik, 2024 jyl Qytaıdaǵy Qazaqstan týrızmi jyly dep jarııalandy. Jyl boıy 30-dan astam is-shara ótkizý josparlanýda, onyń ishinde Qazaqstannyń týrızm túrleri boıynsha taqyryptyq aptalyqtar, Qytaıdyń 7 iri qalasynda (Pekın, Sıan, Shanhaı, Úrimji, Gonkong, Hanchjoý, Chendý) Qazaqstannyń TOP-20 otandyq destınatsııalaryn tanystyrý, sondaı-aq Qazaqstannyń týrızm áleýetin Qytaıda nasıhattaý boıynsha basqa da iri jobalar bar.
QHR-dan keletin qonaqtar aǵynynyń 500 myń adamǵa deıin ulǵaıýy múmkin.
